Минзәлә районы социаль хезмәт күрсәтү үзәге белгечләре бөтенроссия конференциясендә катнашты

2021 елның 5 октябре, сишәмбе

1-2 октябрь көннәрендә Минзәлә районы халыкка социаль хезмәт күрсәтү комплекслы үзәге психологлары Евгения Бочкарева һәм Гөлназ Илдарханова «Психологик эшчәнлекнең актуаль проблемалары һәм аларны чишү юллары» дигән Бөтенроссия фәнни-гамәли конференциясендә катнаштылар.

Уку барышында белгечләр үзләренең һөнәри эшчәнлекләрендә куллана ала торган кирәкле белемнәр алдылар. Алар «Практик эшчәнлектә психологның функциональ торышын саклау» темасына мастер-классны аеруча югары бәяләделәр.

Конференция ахырында барлык катнашучыларга сораштыру кәгазе узарга тәкъдим ителде, аның нәтиҗәләре буенча катнашучы сертификатлары бирелде. Евгения Бочкарева һәм Гөлназ Илдарханова да тиешле үрнәктәге документлар алдылар.