«Салават күпере» үзәге социаль педагогы балалар белән файдалы һәм зарарлы гадәтләр турында әңгәмә уздырды
Бөгелмәнең «Салават күпере» халыкка социаль хезмәт күрсәтү комплекслы үзәгендә «Файдалы һәм зарарлы гадәтләр» дигән чара узды. Дәрестә балигъ булмаган социаль хезмәтләр алучылар катнашты.
Очрашу барышында социаль педагог Людмила Голубева балаларга зарарлы һәм файдалы гадәтләрнең нәрсә икәнлеге турында сөйләргә тәкъдим итте. Соңыннан алар кызыксынып «Агулы төтен сере. Познавалов Командасы» дигән мультфильм карадылар. Шулай ук социаль педагог физкультминутка оештырды, ә балалар физкультура дәресләрендә башкарган яраткан күнегүләре белән уртаклаштылар.
Дәрестә дөрес туклану турында да сөйләштеләр. «Светофор» уены вакытында очрашуда катнашучылар ашамлыкларны зарарлы һәм файдалыга төркемләделәр. Шулай ук балалар салкын тиюдән үзеңне ничек якларга икәнен белделәр. Файдалы гадәтләр язылган кәгазь куллардан алар сәламәтлек агачын ясадылар.