Эльмира Зарипова Балык Бистәсе районының өлкән яшьтәге кешеләре белән очрашты

2021 елның 1 октябре, җомга

Бүген, Халыкара өлкәннәр көнендә, Татарстан Республикасы хезмәт, халыкны эш белән тәэмин итү һәм социаль яклау министры Эльмира Зарипова Балык Бистәсе муниципаль районында булып кайтты. Ул өлкәннәрне хөрмәтләү тантанасында катнашты.

Шулай ук ведомство башлыгы картлар һәм инвалидлар өчен интернат-йортта булды һәм социаль хезмәтләр алучылар белән аралашты. Өлкәннәр көне уңаеннан Эльмира Зарипова интернат-йорт карамагындагыларга нык сәламәтлек, иминлек һәм актив озын гомер теләде.