Министрлык Өлкәннәр көне уңаеннан уздырылган челленджга кушылырга чакыра

2021 елның 30 сентябре, пәнҗешәмбе

Халыкара өлкәннәр көне алдыннан «ВКонтакте» һәм «Инстаграм» социаль челтәрләрендә Татарстан Республикасы Хезмәт, халыкны эш белән тәэмин итү һәм социаль яклау министрлыгы #деньпожилых2021 челленджын башлап җибәрде.

Социаль акция өлкән буын вәкилләренә карата игътибарны арттыруга юнәлдерелгән. Анда теләгән һәркем катнаша ала. Моның өчен түбәндәгеләрне эшләргә кирәк

1. Өлкән яшьтәге кеше белән фотога төшәргә;

2. #деньпожилых2021 хэштегы куеп, фотоны социаль челтәрләрдә эләргә;

3. @mtsz_rt аккаунтын һәм 3 дустыңны билгеләргә һәм эстафетаны дусларыңа тапшырырга.

Министрлык һәркемне челленджда актив катнашырга чакыра.