Өлкәннәр өчен авыл хуҗалыгы продукцияләре ярминкәләре үткәрелә

2021 елның 29 сентябре, чәршәмбе

Бүген өлкәннәр декадасы кысаларында Югары Ослан муниципаль районында авыл хуҗалыгы ярминкәсе узды. Район халкына, гадәттәгечә, түбән бәяләрдән җиләк-җимеш продукциясе һәм яшелчәләр тәкъдим ителде.

«Өмет утравы» халыкка социаль хезмәт күрсәтү комплекслы үзәге белгечләре һәм социаль хезмәткәрләре социаль хезмәт күрсәтүдә торучы өлкән яшьтәге кешеләргә кирәкле ярминкә продукциясен сатып алуда һәм өйләренә илтеп җиткерүдә ярдәм күрсәтте. Өлкәннәр бик канәгать калдылар һәм кайгыртучанлык һәм игътибар өчен зур рәхмәт белдерделәр.