Министрлык Өлкәннәр көне уңаеннан челлендж игълан итә

2021 елның 28 сентябре, сишәмбе

Халыкара өлкәннәр көне алдыннан Татарстан Республикасы Хезмәт, халыкны эш белән тәэмин итү һәм социаль яклау министрлыгының «ВКонтакте» һәм «Инстаграм» социаль челтәрләрендәге рәсми аккаунтларында #деньпожилых2021 челленджы башланып китте.

Социаль акция өлкән буын вәкилләренә карата игътибарны арттыруга юнәлдерелгән. Анда теләгән һәркем катнаша ала. Моның өчен түбәндәгеләрне эшләргә кирәк

1. Өлкән яшьтәге кеше белән фотога төшәргә;

2. #деньпожилых2021 хэштегы куеп, фотоны социаль челтәрләрдә эләргә;

3. @mtsz_rt аккаунтын һәм 3 дустыңны билгеләргә һәм эстафетаны дусларыңа тапшырырга.

Министрлык челленджда актив катнашырга чакыра.