«Кайгырту» приютындагы балаларны мәктәптәге борчу хисен җиңәргә өйрәтәләр
Алексеевск районының «Кайгырту» балалар һәм яшүсмерләр өчен социаль приютында педагог-психолог Наталья Конова кече мәктәп яшендәге балалар белән тренинг үткәрде. Аның максаты коммуникатив күнекмәләрне үстерү һәм балалар тарафыннан мәктәптә кичергән борчу хисен җиңү иде.
Алдан балалар белән куркулар белән эшләүгә һәм социаль нормаларны һәм чикләрне аңлауга юнәлдерелгән «Дөрес түгел ил» дигән психологик уен үткәрелде. Дәрес барышында балаларга шулай ук бер-береңә ышаныч хисен үстерү буенча күнегүләр тәкъдим иттеләр. Мәктәптәге авырлыкларны рәсемдә ясап, алар турында сөйләшеп, балалар һәр ситуациядән чыгу юлларын табарга өйрәнделәр.
Социаль приют белгече сүзләренә караганда, мондый төрдәге дәресләр балаларга аралашу күнекмәләрен үстерергә ярдәм итә, кәефне яхшырта һәм коллективны тагын да ныграк берләштерә.