Балигъ булмаган казанлылар арасында сәламәт яшәү рәвешен пропагандалыйлар
Шушы көннәрдә Казанның Авиатөзелеш районындагы гаиләгә һәм балаларга социаль ярдәм бүлекчәсе психологы балигъ булмаганнар өчен кинотренинг үткәрде. Чара Бөтенроссия аеклык көненә багышланган иде.
Дәрестә катнашучылар «сәламәт яшәү рәвеше» төшенчәсе һәм аның өлешләре турында фикер алыштылар. Карау өчен балаларга «Гомуми эш» иҗтимагый оешмасының спиртлы продукция эчү һәм тәмәке тарту куркынычы турында мультфильмы тәкъдим ителде. Фикер алышу барышында балалар тәмәке тартуның һәм спиртлы эчемлекләр куллануның зыяны турында һәрвакыт белүләрен билгеләп үттеләр, тик мультфильм ярдәмендә сәламәт булмаган яшәү рәвешенең конкрет зыянлы нәтиҗәләре турында белделәр, алар турында балалар хәзер туганнарына һәм якыннарына да сөйләячәкләр.
Әңгәмәдән соң балалар викторинада катнаштылар, сәламәт яшәү рәвеше турында табышмаклар чиштеләр, «Сәламәт булу бик шәп!» темасына плакат ясадылар.
Үткәрелгән дәрес үз тормышыңа һәм сәламәтлегеңә кыйммәтле мөнәсәбәт формалаштыруга ярдәм итте.