Югары Ослан районында хәйрия акциясе уздырылды

2021 елның 2 сентябре, пәнҗешәмбе

Бүген Югары Ослан муниципаль районында «Өмет утравы» халыкка социаль хезмәт күрсәтү комплекслы үзәгендә азык-төлек ярдәме күрсәтү буенча «Игелек кәрҗине» дигән хәйрия акциясе уздырылды. Ул «Көзге игелек атнасы» акциясе кысаларында өйдә социаль хезмәт алучы гражданнар өчен яшелчә һәм җиләк-җимеш җыюга юнәлдерелгән иде.

Учреждениенең социаль хезмәткәрләре һәм волонтерлары тарафыннан яшелчә һәм җиләк-җимеш кәрҗиннәре җыелды, аларны ялгыз яшәүче өлкәннәргә һәм инвалидларга тапшырдылар. Бу гражданнар өчен кечкенә бәйрәмгә әверелде, күрсәтелгән игътибар һәм кайгырту аларның ялгыз йөрәкләрен җылылык һәм шатлык белән тулыландырды.