«Умырзая» үзәгендә тернәкләнүчеләр хәтер дәресендә катнаштылар
Бала шәхесен формалаштыруда патриотлык, ватаныбызның тарихи мирасына хөрмәт тәрбияләү мөһим роль уйный. Нәкъ менә шуңа күрә бүген Минзәлә районының «Умырзая» мөмкинлекләре чикле балалар һәм яшүсмерләр өчен тернәкләндерү үзәгендә хәтер дәресе үткәрелде. Чара шулай ук «Көзге игелек атнасы» акциясенә багышланган иде.
Яшь социаль хезмәт алучылар игътибарына тәрбияче Яна Макарычева әзерләгән презентация тәкъдим ителде. Педагог аңлаешлы формада Бөек Ватан сугышының төп вакыйгалары, аның геройлары турында сөйләде. Хикәя салмак кына әңгәмәгә күчте, аның барышында балалар шул куркыныч чорда сугышкан туганнары турында хатирәләре белән уртаклаштылар. Аннары Яна Александровна балаларга алдан әзерләнгән рәсемнәрдән плакат ясарга тәкъдим итте, ул үз гомерләрен кызганмый җирдә тынычлык өчен сугышучылар истәлегенә багышланган иде.