Татарстан Республикасы моношәһәрләрендә эшсезләр саны кабат үзгәрде

2021 елның 1 сентябре, чәршәмбе

Соңгы мәгълүматларга караганда, Яр Чаллыда рәсми рәвештә теркәлгән 1 415 эшсез граждан исәпләнә, бу узган хисап датасына караганда 27 кешегә кимрәк.

Шулай ук бу атнада Алабуга, Түбән Кама һәм Чистай шәһәрләрендә эшсезләр саны кимеде, анда 2021 елның 1 сентябренә халыкны эш белән тәэмин итү үзәкләрендә 371, 866 һәм 199 эшсез кеше исәптә тора.

Бу атнада эшсез гражданнар санының артуы Яшел Үзәндә (+17) һәм Кама Аланында (+1) күзәтелә.

Менделеевск шәһәрендә бу атна эчендә хәл үзгәрмәгән, анда элеккегечә 45 рәсми рәвештә теркәлгән эшсез граждан исәпләнә.