«Гармония» үзәге карамагындагылар урманга сәфәр кылдылар

2021 елның 26 августы, пәнҗешәмбе

Буа районы «Гармония» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе белгечләре социаль хезмәтләр алучылар өчен урманга экскурсия оештырганнар.

Экскурсиянең максаты – табигатькә сакчыл һәм аңлы караш тәрбияләү, танып-белү эшчәнлеген активлаштыру.

Чара башында белгечләр «Урман һәм аның халкы» дигән темага танып-белү әңгәмә үткәрделәр. Шулай ук хезмәт алучыларга урманда үз-үзеңне тотуның төп кагыйдәләре турында искә төшерделәр, ә аннары спорт уен программасы үткәрделәр.

Актив уеннардан соң саф һавада катнашучылар тукталыш ясап, урын сайладылар, анда кыстырма, бутербродлар һәм тәмле чәй белән пикник оештырдылар. Сәяхәт табигать фонында фотосессия белән тәмамланды.