Зәй районында «Игелекле чәчтараш» хәйрия акциясе узды

2021 елның 27 августы, җомга

24 һәм 25 нче августта мөмкинлекләре чикле балалар өчен «Игелекле чәчтараш» дигән хәйрия акциясе үткәрелде, ул Зәй районының «Шатлык» халыкка социаль хезмәт күрсәтү комплекслы үзәге тарафыннан чәчтараш-хәйрияче ярдәме белән оештырылды.

Әлеге акция кысаларында Нефтьчеләр пр., 42 адресы буенча урнашкан чәчтарашханә хезмәткәрләре «үзенчәлекле» балалар өчен бушлай чәчтарашлар оештырдылар. Осталар балаларны модалы прическа белән сөендерделәр. Ата-аналар һәм балалар бу акциядә зур шатлык белән катнаштылар һәм хезмәткәрләргә матур прическа өчен рәхмәт белдерделәр.