«Кояшкай» тернәкләндерү үзәгендә Татарстан Республикасы көнен билгеләп үттеләр
Яр Чаллының «Кояшкай» мөмкинлекләре чикле балалар һәм яшүсмерләр өчен тернәкләндерү үзәге карамагындагы балаларга һәм ата-аналарга бәйрәмнәр бик ошый. Үзәк карамагындагылар зур теләк белән «Мин яратам сине, Татарстан!» Татарстан Республикасы көненә багышланган бәйрәм чарасында катнаштылар. Балалар тәрбияче Зарипова В.Ф. белән берлектә рәсемнәр ясадылар, алар белән иртәдән икенче катта күргәзмә ясадылар, рус һәм татар телләрендә җырлар һәм шигырьләр әзерләделәр.
25 августта спорт мәйданчыгында бәйрәм үткәрелде, анда Батыр һәм көйсез кыз катнашты. Балалар бик теләп шигырьләр сөйләделәр, җырлар җырладылар, «Чума үрдәк, чума каз», «Түбәтәй тапшыр», «Йозак» халык уеннарында катнаштылар. Яшь җырчы Азалия Ярясованы көчле алкышлар белән сәламләделәр. Бәйрәм ахырында балалар татлы бүләкләр алдылар.