Алексеевск районы укучылары бөек уйлап табучылар турында белделәр
Россия Федерациясендә фән һәм технологияләр елы кысаларында Алексеевск районының «Кайгырту» балалар һәм яшүсмерләр өчен социаль приюты тәрбиячесе Халикова Венера мәктәп яшендәге балалар белән «Уйлап табу серләре» дигән викторина үткәрде.
Чараның максаты – балаларның уйлап табу эшчәнлегенә карата кызыксынуларын үстерү һәм кайбер уйлап табуларның тарихы белән танышу. Балалар викторинаның актив катнашучылары булдылар, анда зур кызыксыну белән кроссвордлар, логик биремнәр һәм башваткычлар чиштеләр, табышмаклар чиштеләр.
Моннан тыш, приютта тәрбияләнүчеләр яраткан һәм кызыклы китаплардан күргәзмә оештырганнар. Балаларга радио, төсле фото, велосипед, самолет, электромобильне кем уйлап тапканын белү кызык булды. Алар галим булу һәм яңа әйберләр уйлап табу кызык икәнлегенә инандылар. Чара ахырында балалар үзләренең дә «уйлап табучы» булуын билгеләп үттеләр: кемдер яңа уен уйлап тапкан, кемдер үз куллары белән уенчыклар ясаган, ә кемдер «әкият» иҗат иткән.