Социаль хезмәт күрсәтү учреждениеләрендә Россия флагы көнен билгеләп үтәләр
Лениногорскиның «Исток-Башлангыч» халыкка социаль хезмәт күрсәтү комплекслы үзәге белгече Лиана Габидуллина тарафыннан 5 нче социаль участокта торучы социаль хезмәт алучылар өчен «Минем дәүләтем байрагы» акциясен уздырды. Акциянең максаты – Россиянең дәүләт символын популярлаштыру, патриотик тәрбия бирү, Ватанга мәхәббәт һәм горурлык хисе формалаштыру.
Чара барышында катнашучылар флагның Россия Федерациясе символларының берсе буларак барлыкка килү һәм раслау тарихын, флагның төсләре һәм аларның символлары турында белделәр.
Акция йөрәкләрдән флаг рәвешендә коллаж ясау белән тәмамланды, бу Ватанга мәхәббәт белдерү символы булды.
Бәйрәм чарасы Минзәлә картлар һәм инвалидлар өчен интернат-йортында да узды.
Бөгелмә «Яңарыш» мөмкинлекләре чикле балалар һәм яшүсмерләр өчен тернәкләндерү үзәгендә «Ватаныбызның изге байрагы» дип исемләнгән танып-белү программасы үткәрделәр.
33 реабилитант Россиянең төп символларының берсе барлыкка килү тарихы белән таныштылар, викторина сорауларына җавап бирделәр, Россия символлары турында табышмаклар чиштеләр.
Яр Чаллы шәһәренең «Изгелек» инвалидларны тернәкләндерү үзәге социаль хезмәт алучылары «Россия триколоры» викторинасында катнаштылар.
Үзәк карамагындагылар «Россия флагы турында җиде кызыклы факт» дигән видеоролик карадылар, Россия триколоры төсләре һәм төп дәүләт символлары: герб, байрак, гимн турында искә төшерделәр. Чарада катнашучылар Россия Федерациясе гимнын тыңладылар һәм байрак ясадылар.
