«Асылташ» балалар һәм яшүсмерләр өчен социаль приюты «Робинзон» слетында катнашучыларны кабул итәчәк
2021 елның 6 сентябрендә Татарстан Республикасы Хезмәт, халыкны эш белән тәэмин итү һәм социаль яклау министрлыгы карамагындагы социаль приютларда тәрбияләнүче балалар һәм яшүсмерләр өчен «Робинзон» слеты узачак.
Слет Яр Чаллы шәһәренең «Асылташ» балалар һәм яшүсмерләр өчен социаль приютында узачак.
«Робинзон» слетының максаты – министрлык карамагындагы балалар һәм яшүсмерләр өчен социаль приютларда тәрбияләнүчеләр арасында сукбайлыкны, хокук бозуларны һәм җәмгыятькә каршы гамәлләрне профилактикалау.
«Робинзон» слетының бурычлары:
- ил язмышы өчен гражданлык җаваплылыгы хисе формалаштыру;
- балигъ булмаганнарны социаль әһәмиятле эшчәнлеккә тарту;
- әйләнә-тирәлеккә җаваплы караш формалаштыру;
- үз сәламәтлегең һәм яшәү рәвеше өчен җаваплылык хисе тәрбияләү;
- егетләрне Россия Кораллы Көчләрендә хезмәткә әзерләүдә ярдәм итү.
«Робинзон» слетында катнашу ирекле.
«Робинзон» слетында 5 кешедән торган учреждениеләр командалары катнаша, алар арасында: 10-12 яшьлек 2 катнашучы, 13-15 яшьлек 2 катнашучы, 16 яшькә кадәрге 1 катнашучы. Команданы учреждение хезмәткәре озата бара.
Команданың «Робинзон» слетында катнашу өчен гариза 2021 елның 25 августына кадәр түбәндәге ысулларның берсе итеп җибәрелергә мөмкин:
- почта элемтәсе бүлеге адресы: 423812, Яр Чаллы шәһәре, Тынычлык проспекты, 27;
- Spdp.Asyltash-chelny@tatar.ru электрон почта адресына «СЛЕТ» тамгасы белән.
Гаризага «Робинзон» слетының һәр катнашучысына слет чараларында катнашу өчен каршы күрсәтмәләрнең булмавы турында медицина белешмәләре теркәлә.
«Робинзон» слетында катнашучы һәр команда 3 минуттан да артмаган «визит карточкасы»н әзерли һәм тәкъдим итә.
«Робинзон» слеты өч этапта үткәрелә:
1 этап – интеллектуаль-танып-белү;
2 этап – хәрби-спорт полосасы;
3 этап – музыкаль перевал.
«Робинзон» слетында җиңүчеләргә дипломнар һәм кыйммәтле призлар тапшырылачак.
«Робинзон» слетын үткәрү мәсьәләләре буенча консультацияләрне (8552) 51-91-90 телефоны аша яки 423812, Яр Чаллы шәһәре, Тынычлык проспекты, 27 адресы буенча мөрәҗәгать итеп алырга мөмкин.