Зәй социаль хезмәт күрсәтү үзәге белгечләре балаларны туган көне белән котладылар

2021 елның 18 августы, чәршәмбе

17 августта Зәй районы «Шатлык» халыкка социаль хезмәт күрсәтү комплекслы үзәге белгечләре берьюлы ике социаль хезмәт алучыны туган көне белән котладылар. Анатолийга – бер, ә Викториягә ун яшь тулды. «Шатлык» социаль хезмәт күрсәтү үзәгенең даими партнерлары – хәйриячеләр балаларга бүләкләр тапшырды: «Дочки и сыночки» кибете Анатолийга кирәкле товарлар сатып алу өчен бүләк сертификаты тапшырды, кондитер Гүзәл Хасбатуллина Виктория өчен тәмле бәйрәм торты әзерләде.

Балалар һәм аларның әти-әниләре алган бүләкләргә чиксез шат булдылар. Гаиләгә һәм балаларга социаль ярдәм күрсәтү бүлеге белгечләре балаларга сәламәтлек һәм бәхет теләделәр.