Казанда «махсус» театрлар турында фильм күрсәтеләчәк

18 август көнне 18:30 сәгатьтә Ленин ис. мәдәният йортында «Махсус театр тамашачысы мәктәбе» фильмын күрсәтәчәкләр. Бу Россиянең «махсус» театрлары турында документаль видео сериясеннән соңгы фильм. Ул «махсус» театр тамашачысына, кабул итү офыкларын киңәйтергә әзер кешеләргә адресланган.

«Россиянең махсус театрлар берләшмәсе» проекты кысаларында барлыгы җиде «махсус» театр турында 14 фильм әзерләнгән.

Санкт-Петербург, Иркутск, Түбән Новгород, Екатеринбург һәм Казан режиссерлары театрларны төзү тарихы һәм «махсус» коллективлар белән эшләү ысуллары белән уртаклаша.

Фильмнар Президент грантлары фонды ярдәме белән «Махсус театрлар берләшмәсе» порталы өчен булдырылган http://cotheater.ru . Күрсәтү «КиноСреда» проекты кысаларында «Татнефть» хәйрия фонды ярдәме белән узачак.

Керү ирекле.

Татарстан Республикасында өлкәннәр өчен беренче иҗади инклюзив студиясе «Э-моция» 2016 елда Казанда эшли башлады. Студиядә инвалидлыгы булган һәм сәламәт яшь кешеләр катнаша. Студиянең миссиясе – инклюзив җәмәгатьчелекне киңәйтү, театр иҗаты ярдәмендә инвалидлык белән кешенең актив, уңай образын формалаштыру.