«Кайгырту» приютында тәрбияләнүчеләр спорт эстафетасында катнаштылар

2021 елның 18 августы, чәршәмбе

Алексеевск районының «Кайгырту» балалар һәм яшүсмерләр өчен социаль приютында тәрбияче Алексей Шатков мәктәп яшендәге балалар белән «Спорт серпантины» спорт эстафетасын үткәрде.

Балалар ике төркемгә бүленеп, үз командалары өчен исем уйлап таптылар, капитаннарны сайладылар. Командаларга йөгерү, сикерүләр, туплар белән эстафеталар һәм киртәләр белән мавыктыргыч конкурслар тәкъдим ителде. Эстафета дәвамында командаларда көндәшлек рухы сизелде. Балалар уен кагыйдәләрен игътибар белән тыңларга һәм аңларга кирәклеген аңладылар. Балалар үзләрен көчле һәм җитез итеп күрсәттеләр.