Беренче Халыкара балалар инклюзив иҗади уеннарының финалы читтән торып үткәрелә

Хабаровск крае хөкүмәте тарафыннан Беренче Халыкара балалар инклюзив иҗади уеннары үткәрелә. Уеннар «АбиАрт» Бөтенроссия һәм әйдәп баручы инвалидлар оешмалары берлеге» иҗтимагый берләшмәсе, «Үз мәнфәгатьләрен яклауга мохтаҗ булган 18 яшьтән өлкәнрәк инвалид һәм инвалид балаларның ата-аналары» Бөтенроссия иҗтимагый оешмасы белән берлектә оештырылды.

Уеннарның максаты – иҗади сәләтле балаларга (күрү, ишетү буенча инвалидлар, терәк-хәрәкәт аппараты зарарланган инвалидлар, психик авырулар һәм башка авырулар нәтиҗәсендә инвалидлар) ярдәм итү, аларның казанышларын пропагандалау, социаль адаптациядә ярдәм итү.

Эпидемиологик хәлнең тотрыксызлыгы сәбәпле, уеннар читтән торып үткәрелде.

Уеннарның финал этабына Россия Федерациясенең 59 субъектыннан һәм дөньяның 5 иленнән (Әрмәнстан, Белоруссия, Бөекбритания, Венгрия, Италия) 1 149 катнашучы чыкты. Алар үзләренең иң яхшы эшләрен һәм чыгышларын 8 сәнгать төрендә һәм 23 номинациядә күрсәттеләр.

2021 елның 17 августында Мәскәү вакыты белән 9: 00 сәгатьтә Медиаметрикс платформасында Беренче халыкара балалар инклюзив иҗади уеннарының онлайн-марафоны башлана.

9: 30дан 17: 30 сәгатькә кадәр Мәскәү вакыты буенча иҗади мәйданчыклар эшләячәк, анда онлайн режимында финалистлар чыгышларын карарга мөмкин.

Чарага тоташу өчен сылтама: http://radio.mediametrics.ru/obrazvremeni/68538/. Тулырак мәгълүматны түбәндәге сылтама буенча алырга мөмкин: http://pifiagames.vordi.ru.