Казанда III Бөтенроссия ишарә теле фестиваленең йомгаклау этабы башланды

15 августта Казанда III Бөтенроссия ишарә теле фестиваленең йомгаклау этабы старт алды. Фестиваль Бөтенроссия саңгыраулар җәмгыятенең Татар төбәк бүлеге тарафыннан үткәрелә, аның рәисе – Венера Гаулстон.

2021 елның март-июнь айларында төбәк конкурслары узды. Финалга узган катнашучылар 8 номинациядә иң яхшы башкаручы исеме өчен көрәшәчәк, алар арасында ишарә җыры, нәфис сүз, стендап-комедия һ.б. бар.

Лауреатларны бүләкләү тантанасы һәм Фестивальнең гала-концерты 19 августта 15 сәгатьтә «Сәйдәш КЦ» концерт залында узачак.

Белешмә өчен: Бөтенроссия саңгыраулар оешмасы 100 меңгә якын җәмгыять әгъзасын берләштерә, аларның 93%ы ишетү буенча инвалид, шул ук вакытта, БСОда әгъза булу / булмауга карамастан, Россиянең ишетмәүче барлык гражданнарына кирәкле ярдәм күрсәтелә. Җәмгыятьнең 82 төбәк бүлеге бар, алар 89 РФ субъекты территориясендә яшәүче саңгырау һәм начар ишетүче гражданнарга хезмәт күрсәтә.