Алабуга интернат-йортында тоз бүлмәсе ачылды

2021 елның 6 августы, җомга

Алабуга өлкәннәр һәм инвалидлар өчен интернат-йортында «Соллерс Форд» компаниясе ярдәме белән тоз бүлмәсе эшли башлады. Интернат-йорт директоры Кирилл Мокшин сүзләренә караганда, бүлмәне төзекләндерү өчен Соль-Илецкидан бер ярым тонна тоз китерелгән. «Барысы да безнең 100 мең сум күләмендә грант отудан башланды. Аннары интернат-йортта мондый бүлмәне оештыру тәкъдиме белән безгә «Соллерс Форд» мөрәҗәгать итте, һәм инде «Старость в радость» Хәйрия фонды белән берлектә тоз бүлмәсе булдырылды», – дип сөйләде ул.

Тоз бүлмәсенә интернат-йортта яшәүче барлык кеше йөри ала, моның өчен махсус график төзелгән. Социаль хезмәт алучылар тозлы мәгарәдә булырга өлгерделәр инде һәм аның файдасына бәя бирделәр.