«Шәфкать» үзәге «Мәгълүмати навигатор» технологиясен тормышка ашыра

2021 елның 19 марты, җомга

Шушы көннәрдә Теләнче Тамак мәктәбендә Тукай районы «Шәфкать» халыкка социаль хезмәт күрсәтү комплекслы үзәге психологы Альбина Сәйфуллина «Мәгълүмати навигатор» яшүсмерләрдә медиакультура формалаштыру» дигән технология буенча төркемле дәрес үткәрде.

Чараның максаты – яшүсмерләргә нинди медиапродукция үрнәкләренең аның өчен чыннан да мөһим булуын, ә кайсыларының бөтен җәмгыять өчен кыйммәт булуын аңлау өчен шартлар тудыру.

Дәрес барышында интернет-ресурслар анализланды, төрле уеннар үткәрелде. Шулай ук һәр катнашучыга тематик белешмәлекләр һәм буклетлар тапшырылды.

Чарада барлыгы 20 балигъ булмаган бала катнашты, шул исәптән 3 социаль хезмәт алучы.