ТР күпчелек моношәһәрләрендә эшсезләр саны кимү күзәтелә

2021 елның 3 феврале, чәршәмбе

Соңгы мәгълүматларга караганда, Түбән Камада рәсми рәвештә теркәлгән 1 989 эшсез граждан исәпләнә, бу узган хисап датасына караганда 134 кешегә кимрәк.

Шулай ук бу атнада Яр Чаллы, Алабуга, Яшел Үзән һәм Чистай шәһәрләрендә эшсезләр саны кимеде, анда 2021 елның 3 февраленә халыкны эш белән тәэмин итү үзәкләрендә 3 703, 835, 749 һәм 295 эшсез кеше исәптә тора.

Бу атнада Менделеевск (+5) һәм Кама Аланында (+45) эшсез гражданнар санының артуы күзәтелә.