Яшел Үзәндә яшәүче 47 кеше гарантия бирүче әңгәмәдә катнашты
Яшел Үзән шәһәренең халыкны эш белән тәэмин итү үзәгендә WILDBERRIES компаниясе «ВБ Восток» ҖЧҖ катнашында гарантия бирүче әңгәмә узды. Эш бирүче тарафыннан кладовщик вакансиясе тәкъдим ителде.
Оешманың кадрлар хезмәте вәкиле тәкъдим ителгән вакансия буенча башкарыла торган эшнең эчтәлеген тасвирлады, хезмәткәрләргә карата булган таләпләр, социаль гарантияләр, эш режимы һәм шартлары, хезмәт хакы күләме турында сөйләде. Эш эзләүчеләр барлык кызыксындырган сорауларына җаваплар алдылар.
Чарага 47 кеше килгән иде. Үткәрелгән әңгәмә нәтиҗәләре буенча 11 кандидатура эшкә урнашу турында карар кабул итү өчен кабат әңгәмәгә чакырылды.
Катнашучылар мәшгульлек хезмәте хезмәткәрләреннән эшкә урнашу, эшмәкәрлек эшчәнлеген оештыру, шулай ук һөнәри белем һәм өстәмә һөнәри белем бирү мәсьәләләре буенча консультация хезмәтләре алдылар.