Социаль участокларда профилактик эш
Балигъ булмаганнар арасында суицидаль тотышны кисәтү буенча чаралар планын тормышка ашыру кысаларында Казан шәһәренең Идел буе районындагы гаиләгә һәм балаларга социаль ярдәм бүлеге психологы кече яшьтәге мәктәп балалары өчен төркемле дәрес үткәрде. Чара 173 нче урта гомуми белем бирү мәктәбенең консультатив пункты базасында узды.
Дәреснең максаты – үпкәләгән вакытта оптималь үз-үзеңне тоту һәм тискәре хисләр турында сөйли белү күнекмәләрен формалаштыру.
Балалар үпкәнең нәрсә икәнен, аның кешеләр арасындагы мөнәсәбәтләргә нинди йогынты ясавын белделәр. Психолог белән берлектә катнашучылар киеренке хәлләрдә үз-үзеңне җайга салу алымнарын кулланып карадылар, тискәре кәефне ничек җиңәргә кирәклеген белделәр.
Дәрес башка кешенең эмоциональ хәленә карата түземлелекне үстерүгә ярдәм итте.