Казанның социаль хезмәт күрсәтү үзәге психологы яшүсмерләрнең ата-аналары белән очрашты
Профилактик эш кысаларында Казан шәһәре Вахитов районының гаиләгә һәм балаларга социаль ярдәм бүлеге психологы күп балалы һәм аз тәэмин ителгән гаиләләрдә, шул исәптән социаль хезмәт күрсәтүдә торучы гаиләләрдә, тәрбияләнүче балаларның ата-аналары белән тематик әңгәмә үткәрде. «Гаилә территориясе» дигән темага чара социаль участокта – 14 нче урта гомуми белем бирү рус-татар мәктәбендә узды.
Очрашуның максаты балалар һәм яшүсмерләрнең суицидаль тотышын профилактикалау өлкәсендә ата-аналарның психологик компетентлыгын арттыру иде. Психолог ата-аналарны ышанычлы мөнәсәбәтләр булдыруга һәм социумда уңышлы адаптациягә ярдәм итә торган уңай хезмәттәшлек формалары белән таныштырды. Интерактив әңгәмә форматы психологка ата-аналарның тискәре стильләрне коррекцияләү һәм үз-үзләрен тотышы рәвешләренә кагылышлы сорауларына җавап бирергә мөмкинлек бирде.
Ахырда чарада катнашучыларга балалар һәм ата-аналар мөнәсәбәтләрен оптимальләштерү юллары, балалар суицидларын кисәтү һәм профилактикалау сәбәпләре һәм кисәтү чаралары турында «Ата-аналар җаваплы!» дигән буклетлар тапшырылды.