Теләче районында ведомствоара рейдлар узды

2020 елның 28 декабре, дүшәмбе

Янгын куркынычсызлыгын профилактикалау ведомствоара эшен оештуры кысаларында Теләче «Чишмә» халыкка социаль хезмәт күрсәтү комплекслы үзәге белгечләре, авыл җирлекләре башлыклары, Гадәттән тыш хәлләр министрлыгы хезмәткәрләре тарафыннан ялгыз һәм ялгыз яшәүче өлкән кешеләр, күп балалы гаиләләр һәм социаль куркыныч хәлдә булган гаиләләрнең өйләрен тикшерү эше уздырылды.

Рейд барышында гаиләләрнең торак-көнкүреш шартлары тикшерелде, янгын хәбәрчеләре урнаштырылды, көнкүрештә янгын куркынычсызлыгы чараларын үтәү турында инструктажлар үткәрелде.