«Юлдаш» интернат-йорты озак вакыт карау системасын гамәлгә кертү эшен иң яхшы оештыру буенча конкурста катнаша
«Демография» милли проектының «Өлкән буын» федераль проектын тормышка ашыру кысаларында Татарстан Республикасы Хезмәт, халыкны эш белән тәэмин итү һәм социаль яклау министрлыгы ведомство карамагындагы социаль хезмәт күрсәтү учреждениеләре арасында өлкән яшьтәге гражданнарны һәм инвалидларны озак вакыт карау системасын кертү буенча иң яхшы эшне оештыруга конкурс үткәрә.
Чистайның «Юлдаш» өлкәннәр һәм инвалидлар өчен интернат-йорты «2020 ел нәтиҗәләре буенча өлкән яшьтәге гражданнар һәм инвалидлар өчен социаль хезмәт күрсәтүнең иң яхшы стационар учреждениесе» номинациясендә катнаша. Учреждение конкурска озак вакыт карау системасын кертү, яшәүчеләр белән эшләү, өлкәннәр һәм инвалидларны карау, ял итү һәм социаль адаптация буенча эш оештыру буенча материаллар һәм эш тәҗрибәсе тәкъдим итте.
Интернат-йортта озак вакыт карау системасы күптән түгел генә кертелә, әмма бу вакыт эчендә учреждение тарафыннан билгеле бер тәҗрибә тупланган инде. Өлкән буын һәм инвалидлар белән эшләүнең инновацион һәм апробацияләнгән формалары һәм методлары кулланыла. Социаль хезмәт алучыларның социаль-көнкүреш күнекмәләрен торгызу өчен махсуслаштырылган тернәкләндерү җиһазлары оста һәм актив кулланыла.
Интернат-йорт хезмәткәрләре булган квалификация кысаларында һөнәри дәрәҗәсен күтәрүгә һәм стационар учреждениеләрдә озак вакыт карау системасы элементларын кертү өчен кирәкле өстәмә компетенцияләр алуга юнәлдерелгән укулар уза. Бу системаны нәтиҗәле гамәлгә кертүне тәэмин итәргә, урыннарда карау процессларын системалаштырырга, күрсәтелә торган хезмәтләрнең сыйфатын контрольдә тотарга мөмкинлек бирә.