Казан гимназиясендә Ватан Геройлары көненә багышланган чара узды
Каһарманнар көнен бәйрәм итү уңаеннан 11 декабрьдә Советлар Союзы Герое Габдулла Габдулланың балалары Рамил Гарифуллин һәм Кәүсәрия Хәйруллиннар Балтачның "Наз" үзәге директоры белән бергә Казанның Россия герое А.В. Козин исемендәге 7 нче гимназиядә узган тантаналы чарада булдылар.
Татарстан Республикасы Хезмәт, халыкны эш белән тәэмин итү һәм социаль яклау министры урынбасары А.Мөбәрәкшин мондый тематик очрашулар геройларның туганнары өчен генә түгел, үсеп килүче буын өчен дә әһәмиятле булуын билгеләп үтте.
Әлеге чара геройларның батырлыгын гына түгел, ә балалар чыгышы белән ихлас күңелдән чагылдырды, каһарманнарның һәр гаилә әгъзасына тирән йогынты ясады. Очрашу Россия герое А.В. Козин исеме бирелгән гимназия бюстына чәчәкләр салу белән тәмамланды.