Алабугада "Сугышның тере хроникалары" проекты тормышка ашырыла
Алабуганың "Ышаныч" үзәге Бөек Ватан сугышында Җиңүнең 75 еллыгына багышланган "Сугышның тере хроникалары" проектын тормышка ашыруда катнаша.
Алабуга дәүләт музей-тыюлыгының Хәтер музее белгечләре һәм "Ышаныч" халыкка комплекслы социаль хезмәт күрсәтү үзәге хезмәткәрләре белән атна саен алабугалылар — Бөек Ватан сугышында катнашучылар белән видеоязмалар үткәрәләр.
Проектның беренче катнашучылары М. Нәҗипов, Л. Горбунова, Н.Рәхмәтуллин, Х. Хөрмәтов, Н. Гранов булды. Шулай Мулла Нәҗипов легендар машина, 1,5 тонна йөк күтәрүчән ГАЗ маркалы йөк автомобилендә зур калибрлы пулемет белән җиһазландырылганы һәм яраланганы турында сөйләде. Сталинград оборонасы аның фронт тормышының иң куркыныч сәхифәсе була.
Лидия Горбунова Кызыл Армия сафларына 1942 елның маенда алына. Үзенең хәрби юлын ул Көнчыгыш фронтта уза, 538 нче авиация полкында кораллану буенча мастер булып хезмәт итә. Өенә ул 1945 елның ноябрендә кайта.
Ветераннар сугышчан иптәшләрен яхшы сүз белән искә алды, аларның бер өлеше сугыш кырларыннан әйләнеп кайтмаган, хәзерге яшьләргә мондый куркыныч сынауларны беркайчан да кичерергә туры килмәвен тели.
Проект тәмамлангач, видеороликлар сериясе булдырылачак, аларны "Сугышның тере хроникалары" фильмына берләштерәчәкләр.