"Өмет чаткысы" үзәгендә тәрбияләнүчеләр белән эшләүдә "Геометрия" конструкторы кулланыла

Арчаның "Өмет чаткысы" мөмкинлекләре чикле балалар һәм яшүсмерләр тернәкләндерү үзәгендә "Унайлы мохит" дәүләт программасы кысаларында тормышка ашырылган шәхси һәм төркемле дәресләрдә "Геометрия" конструкторы актив кулланыла.

Уен балада психик процессларны үстерә, баланың мөстәкыйль иҗатын стимуллаштыра. "Геометрия" конструкторы уены төп төсләрне, геометрик фигураларны өйрәнергә, төрле үлчәмдәге рәсемнәр һәм бизәкләр ясарга, фикерләүне һәм фантазияне үстерергә, шулай ук сүз, логика һәм вак моториканы үстерергә ярдәм итә.

Педагог-психолог  Алинә Сабирова сүзләренә караганда, уен балага аның яшенә һәм үсеш дәрәҗәсенә карап бик күп биремнәр уйлап табарга һәм үтәргә мөмкинлек бирә.