"Кояшкай" үзәге карамагындагылар мавыктыргыч сәяхәттә
Инвалидлар декадасы уңаеннан 2 нче декабрь көнне Яр Чаллы шәһәренең "Кояшкай" мөмкинлекләре чикле балалар һәм яшүсмерләр тернәкләндерү үзәге тәрбиячеләре Г. Гыйләҗетдинова, Л.Полуэктова , музыка җитәкчесе Н.Мусина "Игелек утравына сәяхәт" дигән музыкаль-танып-белү программасын үткәрелделәр. Анда 28 инвалид бала һәм 8 ата-ана катнашты.
Шаян диңгезче балалар белән корабка утырып, сәяхәткә китте. Аларның юлында каршылыклар күп очрады. Балалар штормга эләктеләр, котырган диңгездән качтылар, шулай ук "Аркан тартышу" да көч сынаштылар, "Диңгез дулкынлана"да уйнадылар, "Балык тоту"да балык тотарга өйрәнделәр.
"Игелекле җырлар" ярымутравында җырлар җырладылар. "Урындыклар" уенында җитезлектә һәм игътибарлылыкта ярыштылар. Барлык укучылар да сынауны уңышлы үттеләр. Шаян моряк үзенең татлы хәзинәләре белән уртаклашты.