Мәскәүдә озак вакыт карау буенча киңәшмә
27-28 ноябрьдә Мәскәү шәһәрендә ВОЗ Бөтендөнья сәламәтлек оешмасының Россия Федерациясендә озак вакытлы карау мәсьәләләре буенча киңәшмә узды. 2018 ел башында Россия Федерациясендә озак сроклы карау системасы төзү буенча өч еллык пилот проектка башлангыч салынды.
2019 елда Татарстан Республикасы (Яр Чаллы шәһәре, Түбән Кама, Арча, Яшел Үзән, Биектау, Кукмара һәм Балык Бистәсе муниципаль районнары) илнең унбер төбәге арасына керде, алар өлкән яшьтәге гражданнарны һәм инвалидларны озак вакыт дәвамында карау системасын булдыру өчен финанс чаралары алдылар.
2020 елда Татарстан Республикасында 13 муниципаль берәмлеге пилот проектына керәчәк.
2021 елда Татарстан Республикасының барлык 45 муниципаль берәмлегендә дә озак вакыт дәвамында карау системасы булдырылачак.
Киңәшмәдә Татарстан Республикасы Хезмәт, халыкны эш белән тәэмин итү һәм социаль яклау министрлыгының Биектау муниципаль районындагы "Өмет" халыкка социаль хезмәт күрсәтү үзәге директоры Газизов Рафис Гарәфи улы да катнашты.
Әлеге киңәшмәнең максаты - Россиядә озак вакыт карау системасын үстерү процессы һәм эксперт бәяләү документының тиешле проекты турында фикер алышу, озак сроклы ярдәм реформасын кертү инструментлары һәм механизмнары турында мәгълүматны яңарту, шулай ук Россия Федерациясендә озак вакытлы карау системасының алдагы юнәлешләре турында иде.