Министрлык 2020 елга максатлар һәм бурычлар формалаштыру турында игълан итә
Татарстан Республикасы Хезмәт, халыкны эш белән тәэмин итү һәм социаль яклау министрлыгы 2020 нче елга Министрлык максатлары һәм бурычларын ачык формалаштыруга старт бирә.
Ел ахырына кадәр экспертлар халык белән бергә ТР Хезмәт, халыкны эш белән тәэмин итү һәм социаль яклау министрлыгы, ТР Сәламәтлек саклау министрлыгы, ТР Мәдәният министрлыгы, ТР Мәгариф һәм фән министрлыгы, ТР Спорт министрлыгы һәм ТР Яшьләр эшләре министрлыгы эшчәнлегенең иң мөһим юнәлешләрен һәм индикаторларын билгеләячәк.
Бүгенге көннән министрлыкларның өстенлекле эш өлкәләре буенча экспертлардан тәкъдимнәр җыю башлана, ул 2 атна дәвам итәчәк. Һәр министрлык өчен эксперт төркемнәре составы ТР Иҗтимагый палатасы тарафыннан билгеләнде. Экспертлар арасында һөнәри, академия җәмгыятьләре һәм коммерциячел булмаган оешмалар вәкилләре, үз эшләренең осталары, хакимият органнары профиле буенча зур эш тәҗрибәсе һәм казанышлары булган белгечләр бар.
Алга таба кергән тәкъдимнәр иҗтимагый советлар тарафыннан каралачак һәм ачык онлайн-тавышка чыгарылачак, ул ай дәвамында ТР Дәүләт хезмәтләре порталының "Халык арасында сораштыру" сервисында узачак. Бу этапта халык өстенлекле максатлар һәм бурычлар өчен тавыш бирә, шулай ук үз вариантларын тәкъдим итә ала.
Сораштыру нәтиҗәләре буенча күпчелек тавыш җыйган максатлар һәм бурычлар буенча тәкъдимнәрнең яртысы сайлап алыначак. Һәм алар арасыннан иҗтимагый советларның йомгаклау утырышларында киләсе елга биштән җидегә кадәр министрлыклар өстенлекле эше билгеләнәчәк. Фикер алышуда барлык кызыксынучы, шул исәптән ММЧ һәм гражданнар катнаша ала.
2020 ел дәвамында хакимият органнарының куелган максатлар һәм бурычларны тормышка ашыру һәм расланган индикаторларны йомгаклау буенча мәҗбүри хисап тотуы күздә тотыла.
Министрлык каршындагы Иҗтимагый совет әгъзаларыннан һәм Татарстан Республикасы Иҗтимагый палатасы белән килештерелгән экспертлар төркеме әгъзаларыннан тәкъдимнәр 2019 елның 17 октябренә кадәр кабул ителә.
Исегезгә төшерәбез, проект сынау режимында узган елда старт алды. Ул чакта өстенлекле максат һәм бурычларны халык алдында формалаштыруда дүрт министрлык катнашты. Дәүләт хезмәтләре порталында халык тавыш бирүдә 22 меңнән артык кеше катнашты. Һәр катнашучы -министрлык өчен агымдагы елда башкарыла торган 7 өстенлекле бурыч билгеләнде.
Проектның сайтында аларның үтәлеше турында өстенлекләр һәм хисаплар белән тулырак танышырга мөмкин http://publictasks.tatarstan.ru/.