Татарстан Республикасы Министрлыклары Татарстан Республикасы Хезмәт, халыкны эш белән тәэмин итү һәм социаль яклау министрлыгы

«Волонтер» Төбәкара ирекле хәрәкәтенең проектлары иң яхшылар рәтендә

2012 елның 20 июле, җомга

Алабуга, Байлар Сабасы, Кукмара ирекле хәрәкәте үзәкләре вәкилләреннән гыйбарәт булган «Волонтер» Төбәкара ирекле хәрәкәте делегациясе “Доброгорад -2012” дип исемләнгән палаткалы лагерьдә катнашты. Ул 13 -17 июль көннәрендә Лаеш районында үткән иде. Лагерне оештыручы – “ТР ирекле хәрәкәтен камилләштерү үзәге” яшьләрнең төбәк иҗтимагый оешмасы.

Дүрт көн буена 15 районнан килгән катнашучылар мастер-класс, семинарлар тыңлады, Красноярск крае һәм Ставрополь өлкәсендәге ирекле хәрәкәт үсеше белән танышты. Шулай ук алар Лаеш балалар йортында үткән социаль акцияләрдә һәм җирле храмны төзекләндерүдә дә катнаштылар.

Гадәттәгечә, лагерьдә ТР Яшьләр эшләре, спорт һәм туризм министрлыгы һәм “Наз” ятим һәм гарип балаларны яклау иҗтимагый хәйрия фонды булышлыгы белән әзерләнгән кече грантлар конкурсы да уздырылды.

Кукмара ирекле хәрәкәте үзәгенең авыр тормыш хәлендәге балаларны ораторлык һәм театр сәнгате аша социальләштерү буенча “Мэри Поппинс” дип исемләнгән проекты 25 меңлек грант отып, конкурста җиңүчеләрнең берсе дип танылды.

Алабуга волонтерларының «Volunteer Sundey» мөмкинлекләре чикле балалар өчен клуб проекты исә “Наз” ятим һәм гарип балаларны яклау иҗтимагый хәйрия фондында яклау табачак дип белдерелде.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

май, 2026 ел

«Эмет» үзәгенең социаль педагогы тарих дәресен үткәрде

Биектау районының «Өмет» халыкка социаль хезмәт күрсәтү комплекслы үзәгенең социаль педагогы Альбина Саттарова төркеме рисктагы яшьләр өчен ачык дәресен үткәрде.

Көндезге тору бүлеге тәрбияләнүчеләре Җиңү паркында булдылар

Хәрби һәм хезмәт каһарманлыгы елы кысаларында Казан шәһәренең халыкка социаль хезмәт күрсәтү комплекслы үзәгенең көндезге тору бүлеге тәрбияләнүчеләре өчен «Искәрмә китабы» мемориалын карау белән бергә Җиңү паркына чыгу чарасы оештырды. Мемориал хезмәткәрләре балалар һәм аларның ата-аналары өчен «Татарстан: Барысы да фронт өчен! Барысы да Җиңү өчен!» экскурсиясе үткәрделәр, Бөек Ватан сугышы каһарманнары истәлегенә мемориал булдыру, парктагы һәйкәлләр, күрсәтелгән хәрби техника турында сөйләделәр. 2016 елда ачылган «Искәрмә китабы» мемориалына аерым игътибар бирелде. Комплексның төп бурычы — 1941–1945 еллардагы Бөек Ватан сугышы катнашучылары турында мәгълүмат табуда ярдәм күрсәтү. Кызыклы маршрут һәм тәҗрибәле тарихчы-экскурсиячеләрнең сөйләме чара катнашучыларына парк һәм аның ансамблен яңа почмактан карарга, аның символларының әһәмиятен яңадан аңларга, совет хalkы подвигын искә алуга, тарихның чын куәтен сизүгә мөмкинлек бирде. Социаль хезмәт алучылар белән бу кебек чаралар аларның ватанпәрвәрлек һәм мәдәни-әхлак тәрбиясендә мөһим роль уйный, шулай ук социальләшү һәм интеграция шартлары тудыра.

Безнең заман герое белән очрашу

Менделеевск районының «Кама таңнары» балалар һәм яшүсмерләр өчен социаль приютында махсус хәрби операция катнашучысы белән очрашу узды. «Шайдулла» дип чакырылган сугышчы ике атналы йола белән өйгә кайтты.

«Хыял» приютында травматолог көненә багышланган уен узды

Аксубай районындагы балалар һәм яшүсмерләр өчен «Хыял» социаль приютында травматолог көненә багышланган «Тиз ярдәм» белемле уен-бәйгесе узды.

ЯҢАЛЫКЛАРГА ЯЗЫЛУ