Лаеш ветеран хәрәкәте активистлары Болгарга сәяхәт кылдылар

2012 елның 18 июле, чәршәмбе
Кичә Лаеш ветеран хәрәкәтенең 35 активисты, районның сугыш һәм хезмәт ветераннары Советы рәисе Р.Булатов һәм “Алтын көз” Лаеш халыкны социаль тәэмин итү үзәге шәфкать туташы белән берлектә Болгар шәһәрендә булып кайттылар.
Сәяхәт барышында ветераннар Болгар тарихи-архитектур музей-заповедникта булып, Собор мәчете, Көнчыгыш мавзолей (Изге Николай чиркәве), Төньяк мавзолей (Монастырь базы), Успение чиркәве, Кече манара, Ак һәм Кара пулат, Хан мунчасы, Хан төрбәсе, Кече шәһәрләрне карадылар. Экскурсоводлар аларга шулай ук Болгар һәм Габдрахман коесы хакында да сөйләде.
Әлеге сәяхәт һәркемнең күңелендә онытылмас мизгелләр калдырды. Ветераннар Болгарга бару өчен акчалата ярдәм иткәне һәм күрсәткән игътибары өчен район башлыгы Михаил  Афанасьевка зур рәхмәт белдердерәләр.
 
 
 
 
 
 
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International