"Өмет чаткысы" үзәгендә ТАССРның 100 еллыгын бәйрәм итү уңаеннан узды

2019 елның 17 гыйнвары, пәнҗешәмбе

ТАССРның 100 еллыгын бәйрәм итү уңаеннан Арчаның “Өмет чаткысы”  тернәкләндерү үзәгендә тәрбияче Ләйлә Нуриәхмәтова "Мин яратам сине, Татарстан! " дип исемләнгән сәнгать сәгате үткәрде.

 Дәрес барышында балалар туган республика турында барлык белемнәрен  үзләренең рәсемнәрендә күрсәтте. Кемдер Казан Кремлен, Сөембикә манарасын, кемдер Татарстан гербы һәм флагын сурәтләгән.

Алар үз рәсемнәрендә татар халкының тарихына һәм гореф-гадәтләренә мөнәсәбәтен, Татарстан республикасының истәлекле урыннары турында белемнәрен тәкъдим итте.

Мондый чаралар балаларда Ватанга мәхәббәт һәм хөрмәт тәрбияли һәм патриотик хисләр үстерә.