Бөгелмәнең "Яңарыш" үзәге Кыш бабайны озатты

2019 елның 16 гыйнвары, чәршәмбе

Бөгелмәнең "Яңарыш" мөмкинлекләре чикле балалар һәм яшүсмерләр өчен тернәкләндерү үзәгендә "Балачак еллары" программасын тормышка ашыру уңаеннан "Кыш бабай белән хушлашу" дигән социаль-мәдәни чара узды.

Әлеге чараның максаты - балаларны бәйрәмгә җәлеп итү, традицион булмаган бәйрәмнәр турында күзаллау формалаштыру, яңа елдан алган хис-кичерешләрне ныгыту.

Балалар Кыш бабай шигырьләрен уку, кыш турында җырлар башкару, әкият геройлары белән уйнау мөмкинлегенә бик шат булдылар.