Бизнес-планнарны бәяләү буенча Эксперт советы утырышы узды

2018 елның 27 ноябре, сишәмбе

27  ноябрьдә Сарман мәшгульлек үзәгендә билгеләнгән тәртиптә эшсез дип танылган гражданнарга шәхси эшмәкәр сыйфатында дәүләт теркәвенә алганда бер тапкыр бирелә торган финанс ярдәм күрсәтүдә бизнес-планнарны бәяләү буенча Эксперт советы утырышы узды.

Субсидия алырга теләүчеләр Эксперт советы әгъзаларына бизнес-планнарын презентацияләде.

Чара барышында булачак эшмәкәрләр пенсия законнарындагы үзенчәлекләр һәм финанс ярдәм алганнан соң булган җаваплылык белән танышты.

Фикер алышу нәтиҗәләре буенча совет әгъзалары өч бизнес-планны хуплады.