Инвалидлар өчен җайлаштырылган эш урыннарына контроль узды
Әлмәтнең халыкны эш белән тәэмин итү хезмәте инвалидны эшкә урнаштыру өчен эш урыннары белән тәэмин итү бурычның үтәлешен контрольдә тоту һәм инвалидны эшкә урнаштыру өчен эш урыннары булдыру буенча ышанычлы мәгълүмат бирү максатыннан чираттагы тапкыр эш бирүчеләрне барлады.
Бүгенге көнгә дүрт эш урыны актуаль булып тора. Бу - эш бирүчегә эшсез инвалидны хезмәткә урнаштыру өчен эш урынын җайлаштыру (җиһазлау) чыгымнарын каплау буенча килешү кысаларында җайлаштырылган (җиһазланган) эш урыннары. Сүз уңаеннан, компенсация күләме бер эш урыны өчен 72 мең 690 сумны тәшкил итә.
Агымдагы елның IV кварталында "АППАК" авыл хуҗалыгы предприятиесенә, "СМП-Нефтегаз" акционерлык җәмгыятенә, "Татнефтепроводстрой "Төзелеш фирмасы" акционерлык җәмгыятенә бардылар. Инвалидларны эш белән тәэмин итү һәм җиһазлар сатып алу буенча хокук бозулар булуы ачыкланмады.
Шуны да билгеләп үтәргә кирәк, Әлмәтнең халыкны эш белән тәэмин итү үзәге 2018 ел дәвамында инвалид балалар тәрбияләүче ата-аналарны, күп балалы ата-аналарны эшкә урнаштыруларны квартал саен тикшереп торды. Мәсәлән, 2017 елның ноябрендә Апак авылында яшәүче күп балалы хатын-кыз өчен "АППАК" авыл хуҗалыгы предприятиесендә сыер саву урыны булдырылган иде. Бүгенге көндә эш бирүче тарафыннан төзелгән килешү буенча йөкләмәләр үтәлә.