"Бергә булдырабыз" республика проектын һәм Бөтендөнья балалар көнен тормышка ашыру уңаеннан Бөгелмәнең "Яңарыш" мөмкинлекләре чикле балалар һәм яшүсмерләр өчен тернәкләндерү үзәгендә "Балалар өчен 100 шөгыль" конкурс-уен программасы узды.
Мондый чаралар балаларны физкультурага һәм спортка тарту, физик күнегүләрнең үз-үзен тотышына йогынтысы турында гади күзаллау формалаштыру максатыннан үткәрелә.