Лесхоз интернат-йортында "Кояшлы кәеф"

2018 елның 20 ноябре, сишәмбе

Бүген Лесхоз интернат-йортының социаль эш буенча белгече А.Валиева чәчәктерапия-социаль технология буенча дәрес үткәрде.

Дәреснең максат эмоциональ киеренкелекне киметү, арыганлык һәм күз киеренкелеген төшерү, күз авыруларын профилактикалау һ.б.

Һәр кеше төсне интуиция дәрәҗәсендә тоя. Теге яки бу төс барлык органнарга тирән йогынты ясый, кешенең физиологик фонын үзгәртә."Кояшлы кәеф" мавыктыргыч чарада катнашучылар төсләрнең кеше организмына тәэсир итүнең нәтиҗәле ысулы белән генә танышып калмыйча, нәтиҗәле күнегүләр дә ясады: "җил-җил", "кояш уйный" һәм уенда катнашты. Биредә яшәүчеләр өчен әлеге дәрес зур кызыксыну уятты.