Тиздән яңа уку елы башлана - буклетлар әзерләнә

2018 елның 17 августы, җомга

"Апрель" мөмкинлекләре чикле балалар һәм яшүсмерләр тернәкләндерү үзәгендә “Минем сәләтләр - минем мөмкинлекләр”, дигән буклетлар әзерләделәр.

Яңа уку елы алдыннан “Апрель”тернәкләндерү үзәге, әти әниләр hәм үсешләрендә үзенчәлекләр булган балалар өчен нинди мөмкинлекләр барлыгы турында буклетлар эшләде. Әлеге буклетларда Татарстан республикасы мәгариф һәм фән министрлыгы тәкъдим иткән уку йортлары күрсәтелгән.

Ел саен мәгълүмат, программалар үзгәрә, балаларны кабул итүче уку йортлары һәм белгечлекләр саны арта. Абитуриентлар һәм аларның әти- әниләре өчен, үзләренең киләчәктәге мөмкинлекләре турында хәбәрдар булу бик мөхим!