“Һөнәри хәрәкәт” - яшьләр һөнәри ориентация форумы

Яр Чаллы шәһәре “Саулык” сәләмәтләндерү үзәге базасында 20сеннән 26 август аралыгында Яшьләр һөнәри  ориентация форумы - “Һөнәри хәрәкәт” үтәчәк.

Форумны “КАМАЗ” оешмасы Татарстан Хезмәт, халыкны эш белән тәэмин итү һәм социаль яклау министрлыгы һәм Татарстан республикасы Сәнәгать һәм  сәүдә министрлыгы белән берлектә оештыра.

“Һөнәри хәрәкәт” яшьләр форумы үзенчәлекле платформа, ул үзенең кысаларында Татарстан  һәм “КАМАЗ”да һөнәри ориентация чаралары уздыра.

Форумның программасы укучы яшьләр һәм студентлар арасында эшче һәм һөнәрләрне популярлаштыруга, яшь белгечләрнең сәнәгатьне үстерүдә ролен арттыруга, фәнни һәм белем потенциалын дөрес кулланып системалы рәвештә яшьләрне машина төзү комплексын үстерүгә җәлеп итүгә корылган.

Форумның максаты – бер максатта, бер фикердә булган яшьләр “киңлеген” формалаштыру, белем һәм күнекмәләр белән бүлешү, яшьләрне алдынгы җитештерү мәйданнары белән таныштыру.

Форумда катнашучылар – 16 яшьтән 22 яшькә хәтле булган укучы балалар һәм студентлар. Катнашу бушлай. Катнашучыларны сайлап алу “Вконтакте” социаль челтәрендә бара.

Бу атнада “Һөнәри хәрәкәт” форумында катнашырга уникаль мөмкинлек бар. Моның өчен анкета тутырырга кирәк.

Өстәмә мәгълүмат алу өчен мәшгульлек үзәгенә https://kamaz.ru/career/profdvizhenie/ мөрәҗәгать итәргә мөмкин. Телефон 52-99-32.