ЯҢАЛЫКЛАР


5
декабрь 2018 ел.
чәршәмбе

2018 нче елның 4 декабренә республикада 9 846 кеше рәсми рәвештә эшсез дип теркәлгән, бу узган хисап датасына караганда 9 кешегә кимрәк. Татарстанда теркәлгән эшсезлек дәрәҗәсе эшче көчләр саныннан 0,48 % тәшкил итә.

Соңгы мәгълүматлар буенча Чистайда 172  кеше рәсми рәвештә эшсез дип теркәлгән, бу узган хисап датасына караганда 59 кешегә кимрәк. 

4 декабрь көнне Апас районы "Таң" халыкны социаль тәэмин итү комплекслы үзәгенең гаиләгә һәм балаларга социаль ярдәм күрсәтү бүлекчәсе белгечләре тарафыннан "Ярдәм кулын суз" дигән чара узды.

Бүген Лаеш тернәкләндерү үзәгендә Инвалидлар декадасы кысаларында Лаеш районы эчке эшләр министрлыгының ЮХИДИ бүлеге башлыгы А. Борһанов инвалид балалар әңгәмә үткәрде. Әңгәмә барышында видеомультфильмнар да күрсәтелде.

Хезмәт базарына ихтыяҗ зур булган эшче һөнәрләргә  юнәлеш бирү чараларын гамәлгә ашыру максатларында Азнакай мәшгульлек үзәге "Лениногорск политехник көллияте" ДАҺБУ филиалы белән берлектә гомуми белем бирү мәктәпләренең югары сыйныф укучылары өчен "Һөнәрдә бер көн" дигән чара уздырды.

Инвалидлар декадасын үткәрү уңаеннан "Өмет утравы" үзәгендә "Син ялгыз түгел" акциясе уза.  Әлеге чараның төп максаты мөмкинлекләре чикләнгән гражданнарның проблемаларына игътибар җәлеп итү, аларның абруен, хокукларын һәм иминлеген яклау.

Бүген Кукмараның "Шәфкать" мөмкинлекләре чикле балалар һәм яшүсмерләр өчен тернәкләндерү үзәгендә "Шат балачак" дип исемләнгән рәсем конкурсы узды.

Түбән Кама муниципаль районында инвалидлар декадасы кысаларында Түбән Кама шәһәре халыкны эш белән тәэмин итү үзәге профконсультанты Е. Саблина мөмкинлекләре чикләнгән балалар – "Балаларда көч" хәйрия фонды хезмәтләрен алучы балалар өчен "Үз мөмкинлекләренә сәяхәт" дигән һөнәри юнәлеш бирүче сәгать үткәрде.

Инвалидлар декадасы кысаларында Яр Чаллының “Изгелек” инвалидларны тернәкләндерү үзәгендә "Ачык ишекләр көне" булып узды.

Кукмара районы Манзарас урта мәктәбендә, инвалидлар декадасы уңаеннан "Аргамак" командасы, инвалидлыгы булган кешеләр арасында һөнәри осталык буенча чемпионатта катнашучылар һәм җиңүчеләр районның башлангыч инвалидлар оешмалары рәисләре белән очрашты.


ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования