"Веста"да чәчәк композицияләре булдыру буенча дәрес узды

2018 елның 30 ноябре, җомга

"Бакчачылык" хезмәт тернәкләндерү кабинеты эше уңаеннан 29 ноябрь көнне Түбән Каманың "Веста" гаилә һәм балаларга социаль ярдәм үзәгендә социаль хезмәт күрсәтүдә торучы хатын-кызлар өчен "Әниемә чәчәк бәйләме" дәресе узды.

Чәчәк бәйләмен булдыру өчен белгечләр тере чәчәкләр тәкъдим итте: ылыслы агачлар ботаклары һәм хризантемалар. Башта чәчәк композициясен утырту өчен җайланма әзерләнде. Аннары һәр катнашучы үз фантазиясенә һәм хыялларына таянып чәчәк бәйләме ясады. Композицияне төзү барышында декор элементлары кулланылды:күркә, үлән имитациясе һәм башкалар.