Гаилә күпфункцияле үзәге белгечләре балаларның хокукый грамоталылыгын арттыру буенча чара үткәрделәр
Әлмәт муниципаль районында яшь буынның хокукый аңын үстерүгә юнәлдерелгән мөһим профилактик чара узды. Гаилә күпфункцияле үзәге белгечләре "Электрон" яшьләр-үсмерләр клубы педагоглары белән берлектә балалар өчен хокуклары һәм бурычлары турында танып-белү әңгәмәсе оештырдылар.
Очрашу барышында балаларга административ җаваплылыкның төп аспектлары, аның яшь чикләре һәм балигъ булмаганнарга карата кулланыла торган чаралар турында сөйләделәр. Аеруча наркотик җинаятьләрне профилактикалауга зур игътибар бирелде — катнашучыларга тыелган матдәләр белән элемтәгә керүнең куркынычлыгы һәм аларны тапкан очракта гамәлләр алгоритмы аңлатылды.
"Бурычларны үтәү һәм үз хокукларыңны белү — яшь буынның уңышлы социальләшүенең иң мөһим шартларының берсе", — дип билгеләп үттеләр чара оештыручылары.
Әңгәмә тәмамланганнан соң, барлык катнашучыларга хокукый грамоталылык темасы буенча файдалы материаллар белән мәгълүмати буклетлар тапшырылды.