Гайнетдинова Мәрьям Фәхретдин кызы

1940–1946 еллар ТАССРның социаль тәэмин итү халык комиссары

Гайнетдинова Мәрьям Фәхретдин кызы 1903 елда Казан шәһәрендә туа. 1917-1921 елларда фасовщик булып эшли (дарулар бүлү).

1921 елда Медицина-санитария хезмәткәрләре берлеге командировкасы буенча Казан дәүләт университетының эш факультетына укырга керә. 1924 елда эш факультетын тәмамлый.

1924/25 уку елында Казанда Көнчыгыш-педагогика институтында укый. 1925 елда Мәскәү сәнәгать-икътисад институтына укырга керә, аны 1929 елда тәмамлый.

1928 елда Бөтенсоюз коммунистлар партиясе (большевиклар) кандидаты була, 1938 елда партия сафларына керә.

Югары уку йортын тәмамлаганнан соң, Татар Финанслар комиссариатына җибәрелә, анда 1936 елның октябренә кадәр төрле вазыйфаларда, шул исәптән бюджет икътисадчысы, башкаруны тикшерү секторы мөдире, өлкән ревизор һәм р. булып эшли.

1936 елда финанс хезмәткәрләре берлеге буенча профсоюз эшенә тәкъдим ителә, анда 1936 елның октябреннән 1937 елның сентябренә кадәр эшли.

Союзның оештыру бюросы рәисе, ә 1937 елның сентябреннән 1940 елга кадәр Союзның өлкә комитеты рәисе булып эшли. Финанс һәм банк хезмәткәрләре берлегенең Үзәк комитеты пленумы әгъзасы була.

1940-1946 елларда – ТАССРның социаль тәэмин итү халык комиссары, 1946 елның октябреннән – ТАССРның социаль тәэмин итү министры урынбасары. Мәгълүматларга караганда, 1957 елда шул ук вазифаны били.

Халык комиссариаты бухгалтериясе, иҗтимагый оешма җитәкчеләре, предприятие директорлары сугыш елларында сугышка киткән барлык кешеләр белән исәп-хисап ясап, ике атнада хезмәт хакы һәм ял пособиесе, файдаланылмаган ял өчен компенсация биргәннәр. Шул ук вакытта 40 689 пенсионер ай саен пенсия алган була – 1942 елның 1 гыйнварына архив фондларында нәкъ менә шундый сан исәпләнә. Ә бит сугышның һәр аенда сугыш инвалидларының һәм фронтта һәлак булганнарның гаиләләре саны арта бара.

Халык комиссариаты сугыш инвалидлары өчен интернат-йортлар ача, аларны эшкә урнаштыра, протезлар белән тәэмин итә, сугышчылар өчен җылы кием-салым һәм бүләкләр җыя. Госпитальләрдә концертлар оештырыла. Ул вакытта Халык комиссариаты Казанда ишегалларын һәм урамнарны җыештыру өчен дә, ярдәмче хуҗалыклар эше өчен дә, башкалар өчен дә җавап бирә. Җаваплылык сугыш чоры законнары буенча катгый була.

Соңгы яңарту: 2021 елның 12 апреле, 15:10

Все материалы сайта доступны по лицензии:
Creative Commons Attribution 4.0 International